Birlashgan Arab Amirliklari (BAA) butun dunyo bo‘ylab 100 GVt yashil energiya ishlab chiqarishga 100 milliard dollar sarmoya kiritmoqchi. Bu haqda BAA prezidenti Muhammad bin Zayd al Nahayonga tayanibb “TASS” xabar bermoqda.
Bir necha kun oldin biz AQSH bilan strategik hamkorlik dasturini imzoladik va butun dunyo bo‘ylab 100 GVt toza energiya ishlab chiqarishga 100 milliard dollar sarmoya kiritishni rejalashtirmoqdamiz, — dedi prezident.
Ushbu tashabbus boshqalar qatori yangi ko‘nikmalarni shakllantirishga, yangi ish o‘rinlarini yaratishga yordam beradi va iqlim o‘zgarishi maqsadlariga erishish yo‘lida umid chaqnashi bo‘lishi kutilmoqda.
Prezidentning so‘zlariga ko‘ra, Amirliklar mintaqada 2050-yilgacha uglevodorod neytralligi strategiyasini qabul qilgan birinchi davlat bo‘ladi.
Unga ko‘ra, BAA o‘nlab yillar davomida milliy iqtisodiyotni diversifikatsiya qilish va noneft sektorini rivojlantirish bo‘yicha ish olib bormoqda.
Shu bilan birga, u mamlakat “dunyoni neft va gaz bilan ishonchli energiya manbai sifatida ta’minlashda davom etishini” ta’kidladi.
Al Nahayan Birlashgan Millatlar Tashkilotining Iqlim o‘zgarishi bo‘yicha doiraviy konvensiyasining (COP-28) navbatdagi konferensiyasi 2023-yilda Dubaydagi Expo-2020 xalqaro ko‘rgazmasi o‘tkaziladigan joyda tashkillashtirilishini ma’lum qildi.
Avvalroq BAA kompaniyasi Toshkent viloyatida zamonaviy logistika markazi qurishi haqida xabar berilgandi.
Izoh (0)