Cyan Analytics tadqiqotiga ko‘ra, Rossiyaning ikkilamchi bozorida (eski uylar) uy-joylarni zudlik bilan sotish bo‘yicha e’lonlar soni rekord darajaga yetdi. Bu haqda “TASS” xabar bermoqda.
Shoshilinch sotuvlar bo‘yicha e‘lonlar soni 12,5 mingtaga yetdi — bu 2022 yil mart oyi boshidagidan 85 foizga ko‘p va umuman olganda butun vaqt uchun maksimal ko‘rsatkich, — deyiladi xabarda.
Tadqiqot natijalariga ko‘ra, shoshilinch sotiladigan reklamalar ulushi 4 foizga yetdi, bu so‘nggi uch yildagi eng yuqori ko‘rsatkichdir.
E’lonlarning ko‘payishi 2-martdan boshlangan edi. 18-sentabrdan boshlab shoshilinch e’lonlar ulushi va sonining navbatdagi o‘sishi qayd etildi.
Ya’ni, shoshilinch sotuvlarning ko‘payishi qisman safarbarlikdan bir necha kun oldin ham o‘sishni boshlagan, — deya ta’kidlanadi tadqiqotda.
Avvalroq Rossiyada safarbarlik e’lon qilingandan keyin Moskvada kvartiralar sotish uchun arizalar uch barobar oshgani haqida xabar berilgan edi.
Izoh (0)