Yevropadagi uy xo‘jaliklari elektr energiyasi va tabiiy gaz uchun rekord miqdorda to‘lamoqda. Bu haqda Bloomberg xabar bermoqda.
Oktabr oyida Yevropa Ittifoqi va Buyuk Britaniyada gazning o‘rtacha narxi 2021-yilga nisbatan ikki baravar yuqori bo‘ldi.
Agar 2021-yil oktabr oyida Yevropa Ittifoqi va Buyuk Britaniyada iste’molchi 1 kVt/soat uchun o‘rtacha 18 yevro sent to‘lagan bo‘lsa, bu yil ham xuddi shunday miqdorda energiya uchun 36 yevro sent to‘lashi kerak.
Bloomberg ma’lumotlariga ko‘ra, agar Yevropa Ittifoqi hukumati energiya xarajatlarini qoplash uchun 550 milliard yevro ajratishga va’da bermaganida, bu narxlar ancha yuqori bo‘lar edi.
Oktabr oyida Yevropa Ittifoqida elektr energiyasining o‘rtacha narxi oylik miqyosda 3,4 foizga, gaz narxi 2,5 foizga oshdi.
Eng katta oylik narx o‘sishi Dublinda bo‘ldi, u yerda elektr tariflari 44 foizga, Rimda o‘rtacha gaz narxi esa 97 foizga oshdi.
Noyabr oyining boshida Gollandiyaning TTF markazida gaz narxi 1 MVt/soat uchun taxminan 120 yevroni tashkil etdi.
2-noyabr kuni Goldman Sachs investitsiya banki tahlilchilari yaqin oylarda Yevropada gaz narxi 30 foizga tushishini bashorat qilishdi.
Tahlilchilarning fikricha, 2023-yilning birinchi choragida narx 1 MVt/soat uchun 85 yevrogacha tushishi mumkin.
Izoh (0)