Kiyev va Ukrainaning oltita viloyatida elektr energiyasi uzilishlari davom etmoqda. Bu haqda Ukraina prezidenti Vladimir Zelenskiyga tayanib, “Kommersant” xabar bermoqda.
Eng ko‘p uzilishlar hozirda Kiyev va Kiyev viloyatida. Bu juda qiyin. Biz har bir ssenariyni batafsil ko'rib chiqamiz va tegishli choralarni tayyorlayapmiz, — deydi Zelenskiy videomurojaatida.
Kiyev ma’muriyatining ma’lum qilishicha, shaharda dushanba kuni soat 7:00 dan (Toshkent vaqti bilan 10:00) favqulodda elektr ta’minoti uzilishi mumkin.
7-noyabr kuni energiya tizimidagi taqchillik kutilganidan 32 foizga ko‘p bo‘lishi prognoz qilinmoqda.
“Ukrenergo” energetika tizimining ishlashini barqarorlashtirish uchun iste’molni 30 foizga qisqartirish kerakligini, shuningdek, Kiyev, Chernigov, Cherkasi, Jitomir, Sumi, Xarkov va Poltava viloyatlarida o‘chirishlar amalga oshirilishini ma’lum qildi.
Kiyev shahar ma’muriyatining Munitsipal xavfsizlik departamenti direktori Roman Tkachuk avvalroq The New York Times nashriga bergan intervyusida Kiyevda infratuzilmaga hujumlar davom etsa, butun aholi evakuatsiya qilinishini istisno qilmagan. Biroq hozircha rasmiylar bunga hech qanday sabab ko‘rmayapti.
10-oktabrdan beri Rossiya uzoq masofali qurollar bilan Ukrainaga hujum qilmoqda.
Izoh (0)