Qo‘shma Shtatlar Ukrainaga 400 million dollarlik qo‘shimcha harbiy yordam, jumladan T-72 tanklari va Hawk zenit-raketa tizimlarini modernizatsiya qilishini e’lon qildi. Bu haqda Pentagon matbuot kotibi Sabrina Singhga tayanib, “Kommersant” xabar bermoqda.
Reuters xabariga ko‘ra, Vashington Chexiyadan 45 ta T-72 tankini yangilash uchun to‘laydi va bir nechta Hawk zenit-raketa komplekslarini yangilash uchun mablag‘ ajratadi.
AQSH, shuningdek, Germaniyada Ukraina uchun barcha qurol-aslaha yetkazib berish va harbiy tayyorgarlikni nazorat qiluvchi xavfsizlik yordami shtabini tashkil etmoqda, dedi Singh xonim.
24-fevraldan beri AQSH Ukrainaga 18,2 milliard dollardan ortiq qurol va boshqa jihozlar yetkazib berdi.
Avvalroq Bayden telefon suhbati chog‘ida Zelenskiy ko‘proq yordam so‘raganidan keyin jahli chiqib, unga o‘shqirib bergani haqida xabarlar tarqalgan edi
Izoh (0)