Европадаги уй хўжаликлари электр энергияси ва табиий газ учун рекорд миқдорда тўламоқда. Бу ҳақда Bloomberg хабар бермоқда.
Октябрь ойида Европа Иттифоқи ва Буюк Британияда газнинг ўртача нархи 2021 йилга нисбатан икки баравар юқори бўлди.
Агар 2021 йил октябрь ойида Европа Иттифоқи ва Буюк Британияда истеъмолчи 1 кВт/соат учун ўртача 18 евро сент тўлаган бўлса, бу йил ҳам худди шундай миқдорда энергия учун 36 евро сент тўлаши керак.
Bloomberg маълумотларига кўра, агар Европа Иттифоқи ҳукумати энергия харажатларини қоплаш учун 550 миллиард евро ажратишга ваъда бермаганида, бу нархлар анча юқори бўлар эди.
Октябрь ойида Европа Иттифоқида электр энергиясининг ўртача нархи ойлик миқёсда 3,4 фоизга, газ нархи 2,5 фоизга ошди.
Энг катта ойлик нарх ўсиши Дублинда бўлди, у ерда электр тарифлари 44 фоизга, Римда ўртача газ нархи эса 97 фоизга ошди.
Ноябрь ойининг бошида Голландиянинг ТТФ марказида газ нархи 1 МВт/соат учун тахминан 120 еврони ташкил этди.
2 ноябрь куни Goldman Sachs инвестиция банки таҳлилчилари яқин ойларда Европада газ нархи 30 фоизга тушишини башорат қилишди.
Таҳлилчиларнинг фикрича, 2023 йилнинг биринчи чорагида нарх 1 МВт/соат учун 85 еврогача тушиши мумкин.
Изоҳ (0)