2022-yil oxirida Ukraina mehnat bozori o‘z ish o‘rinlarining atigi 15,5 foizini yo‘qotishi kutilmoqda. Bu Xalqaro mehnat tashkiloti (XMT) Urush boshida bashorat qilgan qisqarishning deyarli yarmini tashkil etadi. Bu haqda “Kommersant” xabar berdi.
Tahlilchilar prognozning yaxshilanishini “Ukraina armiyasining qarshi hujumi va hukumat nazorati ostidagi sanoat korxonalari bo‘lgan hududlarning bir qismi qaytarilishi” bilan izohlamoqda.
Shu bilan birga, ish bilan ta’minlanishning keyingi o‘sishi Yevropada bo‘lgan qochqin fuqarolarning mamlakatga qaytish tezligiga ham bog‘liq bo‘ladi.
2022-yil oxirida Ukrainada bandlik darajasi avvalgi prognozlarda aytilganidek kamaymasligi mumkin, — deya qayd etadi XMT.
Biroq tashkilot tahlilchilarining ta’kidlashicha, hozirgi sharoitda Ukraina mehnat bozorining barcha ko‘rsatkichlari Rossiya bilan urushga o‘zaro bog‘liqdir.
Ukraina Milliy banki 2022-yilda mamlakatda ishlab chiqarish hajmi 33,4 foizga qisqarishini bashorat qilmoqda.
Shu bilan birga, Ukraina regulyatorining hisob-kitoblariga ko‘ra, harbiy harakatlardan mamlakatga ko‘rilgan zarar kamida 114,5 milliard dollarga baholanmoqda.
Ushbu zararning qariyb 72 foizi (82,9 milliard dollar) turar joy binolari va ijtimoiy infratuzilma obyektlariga to‘g‘ri keladi.
Joriy yilning aprel oyida XMT Ukrainada ish o‘rinlari qisqarishi bo‘yicha birinchi prognozni amalga oshirdi — keyin tahlilchilar mamlakatdagi ish o‘rinlari soni 4,8 millionga yoki deyarli uchdan biriga qisqarishini bashorat qildi.
Endilikda tashkilot o‘z prognozini yaxshiladi — joriy yil oxiriga kelib ish o‘rinlari qisqarishi avvalgi prognozga qaraganda ikki baravar bo‘lishi kutilmoqda — 2,4 million ish o‘rni.
Avvalroq Ukrainaning eng boy odami Rossiyaga qarshi Yevropa sudiga da’vo arizasi bilan murojaat qilgani haqida xabar berilgandi.
Izoh (0)