Professional boksning birinchi yarim yengil vazn toifasida (-55,3 kg) WBA va IBF kamarlari sohibi Murodjon Ahmadaliyev (11-0, 8 KO) ayni vaqtda BAAda bo‘lib turibdi.
Super og‘ir vazn toifasining sobiq chempioni Entoni Joshua (24-2, 22 KO) o‘zining Instagram sahifasida o‘zbekistonlik bokschi bilan birga shug‘ullanayotgani tasvirlangan videoni namoyish qildi.
Har ikki bokschi BAAga 5-noyabr kuni bo‘lib o‘tgan Dmitriy Bivol va Xilberto Ramires o‘rtasidagi jang oqshomiga mehmon sifatida tashrif buyurgandi. Avvalroq Joshua yana bir o‘zbekistonlik bokschi Bahodir Jalolov bilan uchrashgani xabar qilingandi.
Ahmadaliyev 2022-yilning iyunida o‘tkazilgan so‘nggi jangida amerikalik Ronni Riosni mag‘lub etib, kamarlarini himoya qilgandi. Joshua esa 2022-yilning avgustida Oleksandr Usikka qarshi revansh jangida mag‘lubiyatga uchragan va kamarlarini qaytarib olish imkoniyatini yo‘qotgandi.
Izoh (0)