Futbol bo‘yicha O‘zbekiston Superligasining 25-turidan o‘rin olgan qator uchrashuvlar 7-noyabr, dushanba kuni bo‘lib o‘tdi.
“Paxtakor” o‘z uyida “Qizilqum”ni qabul qilib, yirik hisobdagi g‘alabani qo‘lga kiritdi. Poytaxt klubi safida Dragan Cheran poker qayd etgan bo‘lsa, Doston Hamdamov va Aziz Turg‘unboyev bittadan golni o‘z hisobiga yozdirib qo‘ydi.
“Nasaf” o‘z maydonida “Neftchi”ni qabul qildi. Unda farg‘onaliklar 85-daqiqada Izzatilla Abdullayevning urgan goli evaziga g‘alabani ilib ketdi.
“Navbahor” esa Zoran Marushichning goli evaziga “Metallurg”ni yengdi.
Shu tariqa “Paxtakor” ochkolarini 51 taga yetkazib olgan holda so‘nggi tur oldidan birinchi o‘ringa ko‘tarilib oldi. “Nasaf” esa 49 ochko bilan uchinchi o‘ringa tushib ketdi. “Navbahor”ning ochkolari 50 taga yetdi va jamoa ikkinchi pog‘onaga ko‘tarildi.
“Neftchi” ochkolarini 26 taga yetkazib olgan holda ligada jon saqlab qolish masalasini hal qildi.
So‘nggi tur oldidan musobaqa jadvali quyidagi ko‘rinishni oldi:
Superliga
25-tur bahslari
7-noyabr, dushanba
Izoh (0)