Futbol bo‘yicha O‘zbekiston Superligasining 25-turidan o‘rin olgan qator uchrashuvlar 7-noyabr, dushanba kuni bo‘lib o‘tdi.
“OKMK” o‘z uyida “Olimpik”ni qabul qildi. O‘yinning 21-daqiqasida Martin Boakye olmaliklarni oldinga olib chiqqan bo‘lsa, oradan ko‘p o‘tmay Xurshid G‘iyosov jamoasining ikkinchi golini urdi.
Ikkinchi bo‘lim debyutida Boakye dubl qayd etib, hisobni yirik ko‘rinishga olib keldi. Oradan ko‘p o‘tmay Doston Tursunovning avtogolidan keyin hisob yana-da yiriklashdi. 74-daqiqada Shohruh Gadoyev mezbonlarning 5-golini urdi. O‘yin so‘ngida Mirjahon Mirahmadov yakuniy hisobni o‘rnatdi — 6:0.
“So‘g‘diyona” o‘z uyida “Lokomotiv”ni qabul qildi. Uchrashuvda 2:2 hisobidagi jangovar durang qayd etildi.
“Qo‘qon-1912” va “Bunyodkor” jamoalari o‘rtasidagi bahsda toshkentliklar Umarali Rahmonaliyevning goli evaziga g‘alabani ilib ketdi.
Superliga
25-tur bahslari
7-noyabr, dushanba
Izoh (0)