Cyan Analytics тадқиқотига кўра, Россиянинг иккиламчи бозорида (эски уйлар) уй-жойларни зудлик билан сотиш бўйича эълонлар сони рекорд даражага етди. Бу ҳақда «ТАСС» хабар бермоқда.
Шошилинч сотувлар бўйича эълонлар сони 12,5 мингтага етди — бу 2022 йил март ойи бошидагидан 85 фоизга кўп ва умуман олганда бутун вақт учун максимал кўрсаткич, — дейилади хабарда.
Тадқиқот натижаларига кўра, шошилинч сотиладиган рекламалар улуши 4 фоизга етди, бу сўнгги уч йилдаги энг юқори кўрсаткичдир.
Эълонларнинг кўпайиши 2 мартдан бошланган эди. 18 сентябрдан бошлаб шошилинч эълонлар улуши ва сонининг навбатдаги ўсиши қайд этилди.
Яъни, шошилинч сотувларнинг кўпайиши қисман сафарбарликдан бир неча кун олдин ҳам ўсишни бошлаган, — дея таъкидланади тадқиқотда.
Аввалроқ Россияда сафарбарлик эълон қилингандан кейин Москвада квартиралар сотиш учун аризалар уч баробар ошгани ҳақида хабар берилган эди.
Изоҳ (0)