Жиззах вилоятининг Фориш туманида аёл ва унинг икки нафар фарзанди ис газидан заҳарланиш оқибатида вафот этгани хабар берилганди. Вилоят ФВБ бу маълумотни тасдиқлади.
6 ноябрь куни кеч соат 19:20 да Жиззах вилояти Фавқулодда вазиятлар бошқармасига вилоят Соғлиқни сақлаш бошқармаси навбатчиси берган маълумотга кўра, Фориш тумани Машраб кўчасидаги уйда истиқомат қилувчи уй бекаси 1988 йилда туғилган И.Г. ва ўғиллари 2017 йилда туғилган Б.Н. ва 2012 йилда туғилган Б.Б. яшаш уйида ис газидан заҳарланиш ҳолати билан вафот этган.
Бу ҳақда «Дарё»га билдирган қўшнининг айтишича, улар икки кун уй ичида қолиб кетган. «Раҳматлининг турмуш ўртоғи 10 кун аввал Россияга кетганди. Улар икки кун уй ичида қолган. 6 ноябрь куни воқеадан қўшнилардан бири хабар топиб, маҳалла аҳли кейин билдик, — деган у.
Изоҳ (0)