Tanzaniyada yo‘lovchi samolyot mamlakat shimoli-g‘arbidagi Bukoba aeroportiga qo‘nmoqchi bo‘lgan paytda Viktoriya ko‘liga qulab tushdi, deb xabar bermoqda CNN. Bortda jami 53 kishi — 49 yo‘lovchi va to‘rt nafar ekipaj a’zosi bo‘lgan. Voqea joyiga qutqaruv guruhi yuborilgan.
Nashr yozishicha, samolyot PW 494 reysi bilan Dar-es-Salomdan Bukobaga uchayotgan edi. Samolyot kapitani Burukxoni Rubaga aviakompaniyada 20 yildan ortiq ishlagan tajribali uchuvchi. Samolyotning o‘zi 12 yildan beri xizmat qiladi, uning modeli — ATR42-500.
Dastlabki ma’lumotlarga ko‘ra, halokatga mintaqadagi yomg‘irli yomon ob-havo sabab bo‘lgan. Odamlarni qutqarish ishlari ketmoqda. Qurbonlar haqida hozircha ma’lumot yo‘q.
Precision Air — Tanzaniyaning eng yirik xususiy aviakompaniyasi.
Izoh (0)