Eron Rossiyaga jangovar dronlar yuborganini birinchi marta tan oldi

Eron tashqi ishlar vaziri Husayn Amir Abdullaxon mamlakat Ukrainada “maxsus operatsiya” boshlanishidan oldin Rossiyaga harbiy dronlar partiyasini topshirganini tan oldi, deb yozmoqda The Washington Post nashri.

Gazeta avgust oyida Moskvaga Eron dronlari yetkazib berilgani haqida yozgan edi. Oktabr oyida esa Yevropa Ittifoqi uchuvchisiz uchish apparatlari ishlab chiqaruvchi Eron kompaniyasiga nisbatan sanksiyalar joriy qilgan. Shuningdek, hozirgacha Rossiya va Eron dron yetkazib berish bo‘yicha hech qanday ta’minot ko‘rsatilmaganini bildirib kelyotgandi.

Ammo TIV rahbari yangi ma’lumot e’lon qildi.

“Biz Rossiyaga cheklangan miqdordagi dronlarni topshirganmiz”, — dedi vazir va bu ta’minot janglar boshlanishidan bir necha oy oldin sodir bo‘lganini ta’kidladi.

Ma’lumot uchun, 20-oktabr kuni Eronning uchuvchisiz uchish apparatlari ishlab chiqaruvchi Shahed Aviation Industries kompaniyasi Ukrainadagi janglarda Rossiya tomoniga ko‘rsatilgan “moddiy yordam uchun” sanksiyalar ro‘yxatiga kiritilgan edi. Yevropa Ittifoqi jangovar dronlar Moskvaga yetkazilganini da’vo qilgan. O‘shanda Eron ham, Rossiya ham bu ayblovlarni rad etgan. Vashington Tehronni Ukrainadagi mojaroda ishtirok etishda ham ayblagan.

Mavzuga doir:

• AQSH Eronni Rossiyaga dronlar yetkazayotgani uchun javob berishi haqida ogohlantirdi
• Isroil Rossiya Ukrainada Eron dronlaridan foydalanganini isbotlab beradi
• Isroil Ukrainaga Eron dronlariga qarshi kurashish uchun razvedka ma’lumotlarini taqdim etgan — NYT