Donetsk xalq respublikasining Uglegorsk shahrida hudud Oliy sudi sudyasi Aleksandr Nikulinga suiqasd uyushtirildi, bu haqda DXR Ichki ishlar vazirligi xabar berdi.
Idora xabariga ko‘ra, Nikulin o‘qotar qurol bilan yarador qilingan. Ayni paytda og‘ir ahvolda. Huquq-tartibot organlari gumonlanuvchilarni qidirmoqda.
Nikulin Oliy sudning iyun oyida britaniyalik Eyden Aslin va Shon Pinnerni hamda marokashlik Ibrohim Saadunni Ukraina tomonida turib jangovar harakatlarda ishtirok etgani uchun o‘lim jazosiga hukm qilgan kollegiyasi raisi bo‘lgan. Hukm ijro etilgani haqida ma’lum qilinmagan.
Urush boshlanganidan keyin Ukrainaning Rossiya tomonidan egallangan hududlarida mansabdor shaxslarga nisbatan suiqasdlar muntazam ravishda amalga oshiriladi. Hujum oqibatida halok bo‘lgan eng yuqori lavozimli amaldor LXR bosh prokurori Sergey Gorenko bo‘ldi: u va uning o‘rinbosari Luganskda prokuratura binosidagi portlash oqibatida halok bo‘lgan.
Izoh (0)