Эрон ташқи ишлар вазири Ҳусайн Амир Абдуллахон мамлакат Украинада «махсус операция» бошланишидан олдин Россияга ҳарбий дронлар партиясини топширганини тан олди, деб ёзмоқда The Washington Post нашри.
Газета август ойида Москвага Эрон дронлари етказиб берилгани ҳақида ёзган эди. Октябрь ойида эса Европа Иттифоқи учувчисиз учиш аппаратлари ишлаб чиқарувчи Эрон компаниясига нисбатан санкциялар жорий қилган. Шунингдек, ҳозиргача Россия ва Эрон дрон етказиб бериш бўйича ҳеч қандай таъминот кўрсатилмаганини билдириб келётганди.
Аммо ТИВ раҳбари янги маълумот эълон қилди.
«Биз Россияга чекланган миқдордаги дронларни топширганмиз», — деди вазир ва бу таъминот жанглар бошланишидан бир неча ой олдин содир бўлганини таъкидлади.
Маълумот учун, 20 октябрь куни Эроннинг учувчисиз учиш аппаратлари ишлаб чиқарувчи Shahed Aviation Industries компанияси Украинадаги жангларда Россия томонига кўрсатилган «моддий ёрдам учун» санкциялар рўйхатига киритилган эди. Европа Иттифоқи жанговар дронлар Москвага етказилганини даъво қилган. Ўшанда Эрон ҳам, Россия ҳам бу айбловларни рад этган. Вашингтон Теҳронни Украинадаги можарода иштирок этишда ҳам айблаган.
Мавзуга доир:
Изоҳ (0)