Germaniya hukumati Rossiya gazini almashtirish mamlakatga taxminan 45,4 milliard yevroga tushadi, deb hisoblamoqda. Bu haqda Germaniya parlamenti e’lon qilgan hisobotga tayanib Bloomberg xabar berdi.
Germaniya Iqtisodiyot vazirligi yakuniy ko‘rsatkichlar gaz narxi dinamikasiga bog‘liq bo‘lishini ta’kidlagan.
Hukumat Rossiya gazini Norvegiyadan yetkazib berish bilan almashtirayotgani, shuningdek, AQSH, Qatar, Jazoir va Afrikaning boshqa qismlari kabi mamlakatlardan suyultirilgan gaz xaridini amalga oshirayotganini tushuntirgan.
Berlindagi Hertie menejment maktabi tomonidan o‘tkazilgan tadqiqot natijalari kecha e’lon qilindi. Unga ko‘ra, Germaniya sanoati 2022-yil sentabrida 2021-yilning shu davriga nisbatan gaz iste’molini 20 foizga kamaytirishga muvaffaq bo‘ldi.
Avvalroq Olaf Shols Germaniya Rossiya gaziga qaramlikdan qutulganini e’lon qilgandi.
Izoh (0)