Samarqand viloyati Samarqand tumanida to‘rt egizak dunyoga keldi, deb xabar bermoqda O‘zA.
Ma’lum qilinishicha, Samarqand viloyati perinatal markaziga 29-oktabr kuni Samarqand tumani “Xo‘ja Ahror Vali” mahallasida yashovchi homilador M.Tohirova olib kelingan. Tekshiruvlar natijasida homilador ayol to‘rt egizak kutayotgani aniqlangan.
Shifokorlar tug‘ruqni jarrohlik yo‘li bilan amalga oshirishga qaror qilgan.
“2-noyabr kuni amalga oshirilgan jarrohlik amaliyotida ikki o‘g‘il va ikki qiz egizak tug‘dirib olindi. Hozirda ona va bolalarning umumiy holati qoniqarli. Chaqaloqlar markazning chaqaloqlar bo‘limida nazoratda”, — degan Samarqand viloyati perinatal markazi direktori Lola Hamroyeva.
Izoh (0)