Qashqadaryoda o‘quvchisini urgan o‘qituvchi sudga berildi

Ijtimoiy tarmoqlarda Qashqadaryoda o‘qituvchi o‘quvchisining urgani haqida xabarlar tarqaldi. Viloyat XTB holat yuzasidan ma’lumot berdi.

Ma’lum bo‘lishicha, 24-oktabr kuni Koson tumanida maktab o‘qtuvchisi I.M. darsida o‘quvchisi Q.B.ni urib yengil tan jarohati yetkazgan.

Holat yuzasidan Koson tuman IIB tomonidan surishtiruv ishlari olib borilib, fuqaro I.M. ga  Ma’muriy javobgarlik to‘risidagi kodeksning 52-moddasi 2-qismiga (qasddan yengil tan jarohati yetkazish) asosan ma’muriy bayonnoma rasmiylashtirilib, chora ko‘rish uchun to‘plangan hujjatlar jinoyat ishlari bo‘yicha Koson tuman sudiga yuborilgan.

Ushbu harakatni sodir etganlik BHMning ikki baravaridan to‘rt baravarigacha (600 ming so‘mdan 1,2 million so‘mgacha) miqdorda jarima solishga sabab bo‘ladi.

Mavzuga doir:

• Samarqandda o‘quvchisiga tarsaki tushirgan o‘qituvchi ayol o‘z xohishiga ko‘ra ishdan bo‘shadi
• Namanganda o‘quvchisini urgan o‘qituvchiga nisbatan jinoyat ishi qo‘zg‘atildi