Самарқанд вилояти Самарқанд туманида тўрт эгизак дунёга келди, деб хабар бермоқда ЎзА.
Маълум қилинишича, Самарқанд вилояти перинатал марказига 29 октябрь куни Самарқанд тумани «Хўжа Аҳрор Вали» маҳалласида яшовчи ҳомиладор М.Тоҳирова олиб келинган. Текширувлар натижасида ҳомиладор аёл тўрт эгизак кутаётгани аниқланган.
Шифокорлар туғруқни жарроҳлик йўли билан амалга оширишга қарор қилган.
«2 ноябрь куни амалга оширилган жарроҳлик амалиётида икки ўғил ва икки қиз эгизак туғдириб олинди. Ҳозирда она ва болаларнинг умумий ҳолати қониқарли. Чақалоқлар марказнинг чақалоқлар бўлимида назоратда», — деган Самарқанд вилояти перинатал маркази директори Лола Ҳамроева.
Изоҳ (0)