Chempionlar Ligasi pley-off bosqichiga yo‘l olgan jamoalar soni 14 taga yetdi

Yevropa Chempionlar Ligasining to‘rtta guruhida 1-noyabr, seshanba kuni 6-tur bahslari bo‘lib o‘tdi.

Mazkur o‘yinlar yakuniga ko‘ra “Ayntraxt” va “Tottenhem” pley-off bosqichiga yo‘llanmani qo‘lga kiritdi. “Shporlar” so‘nggi daqiqalardagi gol evaziga birinchi o‘rinni qo‘lga kiritdi, nemis klubi esa ikkinchi o‘rin bilan keyingi bosqichga yo‘l oldi.

Avvalroq “Inter”, “Portu”, “Liverpul”, “Manchester Siti”, “Napoli”, “Real”, “Bavariya”, “Bryugge”, “Borussiya D”, “Chelsi”, “PSJ” va “Benfika” guruh masalasini hal qilgandi.

2-noyabr kungi bahslarda yana ikki yo‘llanma o‘z egasini topadi. E guruhida “Milan” 2-o‘rin uchun “Zalsburg” bilan kurash olib boradi. F guruhida esa “Shaxtyor” imkoniyatni saqlab turibdi, buning uchun ukrain klub “Leypsig”ni yengishi kerak.