Yevropa top-5 liga vakillari orasida joriy mavsum mag‘lub bo‘lmagan bitta jamoa qoldi

“Napoli” Yevropa Chempionlar Ligasining 6-turi doirasida kechgan “Liverpul”ga qarshi bahsda mag‘lubiyatga uchradi (0:2).

Bu neapolliklar uchun joriy mavsum barcha musobaqalar doirasidagi ilk mag‘lubiyat bo‘ldi. Luchano Spaletti shogirdlari Liverpuldagi mag‘lubiyatga qadar 2022/23-yilgi mavsumda 15 g‘alaba va 2 durang qayd etgandi.

Shu tariqa Yevropa top-5 ligalari vakillari orasida joriy mavsum yutqazmagan bitta jamoa qoldi — “PSJ”. Parijliklar 19 o‘yinda 15 g‘alaba va to‘rt durangga erishgan.

Kristof Galte jamoasi keyingi o‘yinni 2-noyabr tunida Turinda “Yuventus”ga qarshi o‘tkazadi.

Neapol klubi Chempionlar Ligasida 15 ochko to‘plagan holda birinchi o‘rin bilan pley-offga yo‘l oldi. “Napoli” A Seriyada 32 ochko bilan peshqadam bo‘lib turibdi.