Ulug‘bek Qurbonov Sardor Umurzoqovga o‘rinbosar etib tayinlandi

O‘zbekiston Prezidenti administratsiyasida 1-noyabr kuni yangi tayinlov amalga oshirildi. Bu haqda O‘zA xabar berdi.

Qayd etilishicha, Shavkat Mirziyoyev farmoni bilan Prezident protokoli rahbari lavozimini egallab kelgan Ulug‘bek Uchqunovich Qurbonov Prezident administratsiyasi rahbari o‘rinbosari — Prezident protokoli rahbari lavozimiga tayinlandi.

Avvalroq Shavkat Mirziyoyevning tegishli farmoyishiga asosan Prezident administratsiyasi ijro etuvchi apparatida tayinlovlar amalga oshirilgan edi. Unga ko‘ra,

• Rustam To‘ychiyevich Komilov — Prezident administratsiyasi axborot-kommunikatsiya texnologiyalari va jamoat loyihalari bo‘yicha sho‘ba mudiri;
• Hikmatilla Shuhratilla o‘g‘li Ubaydullayev Prezident administratsiyasi axborot-kommunikatsiya texnologiyalari va jamoat loyihalari bo‘yicha sho‘ba yetakchi kunsultanti;
• O‘lug‘bek Rauf o‘g‘li Normatov Prezident administratsiyasi jamoat fikrini o‘rganish va tahlil qilish sho‘basi yetakchi konsultanti;
• Shoxrux Anvarovich Xodjayev Prezident administratsiyasi kommunikatsiyalar va axborot siyosati bo‘yicha sho‘ba yetakchi kunsultanti lavozimiga tayinlangan.

• Shavkat Mirziyoyevning 65 yoshli maslahatchisi Abdujabbor Abduvohidov lavozimidan ozod etildi
• Odil Abdurahmonov prezident maslahatchisi etib tayinlandi