Farg‘ona viloyati Qo‘qon shahrida temir seyfdan 13 million so‘mlik tilla taqinchoqlarni o‘g‘irlagan shaxs qo‘lga tushdi. Bu haqda viloyat ichki ishlar boshqarmasi axborot xizmati xabar berdi.
Qayd etilishicha, M.M. ismli ayol IIBga murojaat qilib, unda 7-sentabrdan 23-oktabrgacha bo‘lgan vaqt oralig‘ida noma’lum shaxs yashash xonadoniga g‘ayriqonuniy ravishda kirib, xonadon yotoqxonasidagi temir seyfdan umumiy narxi 13 million so‘mlik tilla-taqinchoqlarini yashirin ravishda o‘g‘irlab, hodisa joyidan yashiringanini bildirgan.
Mazkur holat yuzasidan Qo‘qon shahri IIO FMB huzuridagi tergov bo‘limi tomonidan jinoyat kodeksining 169-moddasi 2-qismi “g” bandi (o‘g‘irlik) bilan jinoyat ishi qo‘zg‘atilgan. Olib borilgan tezkor-surishtiruv ishlari davomida ushbu jinoyatni I.O. ismli ayol sodir etgani aniqlanib, tergov harakatlari olib borilmoqda.
Izoh (0)