Улуғбек Қурбонов Сардор Умурзоқовга ўринбосар этиб тайинланди

Ўзбекистон Президенти администрациясида 1 ноябрь куни янги тайинлов амалга оширилди. Бу ҳақда ЎзА хабар берди.

Қайд этилишича, Шавкат Мирзиёев фармони билан Президент протоколи раҳбари лавозимини эгаллаб келган Улуғбек Учқунович Қурбонов Президент администрацияси раҳбари ўринбосари — Президент протоколи раҳбари лавозимига тайинланди.

Аввалроқ Шавкат Мирзиёевнинг тегишли фармойишига асосан Президент администрацияси ижро этувчи аппаратида тайинловлар амалга оширилган эди. Унга кўра,

• Рустам Тўйчиевич Комилов — Президент администрацияси ахборот-коммуникация технологиялари ва жамоат лойиҳалари бўйича шўъба мудири;
• Ҳикматилла Шуҳратилла ўғли Убайдуллаев Президент администрацияси ахборот-коммуникация технологиялари ва жамоат лойиҳалари бўйича шўъба етакчи кунсултанти;
• Ўлуғбек Рауф ўғли Норматов Президент администрацияси жамоат фикрини ўрганиш ва таҳлил қилиш шўъбаси етакчи консултанти;
• Шохрух Анварович Ходжаев Президент администрацияси коммуникациялар ва ахборот сиёсати бўйича шўъба етакчи кунсултанти лавозимига тайинланган.

• Шавкат Мирзиёевнинг 65 ёшли маслаҳатчиси Абдужаббор Абдувоҳидов лавозимидан озод этилди
• Одил Абдураҳмонов президент маслаҳатчиси этиб тайинланди