Samarqandda “Xalqaro ziyorat turizmi haftaligi” tadbirlari bo‘lib o‘tmoqda. 1-noyabr kuni marosimni turizm va madaniy meros vaziri Aziz Abduhakimov ochib berdi.
“Turizm xizmatlari va musulmon mehmondo‘stligi talablari bo‘yicha standartlar ishlab chiqildi. Xalqaro aeroportlar, temiryo‘l vokzallari va mehmonxonalarda namozxonalar va tahorat xonalari tashkillashtirildi.
Infratuzilmani ziyorat turizmiga moslashtirish yuzasidan boshlangan ishlarimiz natijasida O‘zbekiston GMTI (Global Muslim Tourism Index) hisobotida 2017 yildagi 32-o‘rindan 9-o‘ringa ko‘tarildi” – deb ta’kidladi Aziz Abduhakimov.
Turizm vazirligining ma’lum qilishicha, Samarqand “Yilning eng yaxshi islomiy manzili” deya e’tirof etilgan. Sertifikatni Singapur Respublikasining Crescent Rating kompaniyasi prezidenti Bahardeen Mohamed Fazal topshirgan.
Izoh (0)