Самарқандда «Халқаро зиёрат туризми ҳафталиги» тадбирлари бўлиб ўтмоқда. 1 ноябрь куни маросимни туризм ва маданий мерос вазири Азиз Абдуҳакимов очиб берди.
«Туризм хизматлари ва мусулмон меҳмондўстлиги талаблари бўйича стандартлар ишлаб чиқилди. Халқаро аэропортлар, темир йўл вокзаллари ва меҳмонхоналарда намозхоналар ва таҳорат хоналари ташкиллаштирилди.
Инфратузилмани зиёрат туризмига мослаштириш юзасидан бошланган ишларимиз натижасида Ўзбекистон GMTI (Global Muslim Tourism Index) ҳисоботида 2017 йилдаги 32-ўриндан 9-ўринга кўтарилди» – деб таъкидлади Азиз Абдуҳакимов.
Туризм вазирлигининг маълум қилишича, Самарқанд «Йилнинг энг яхши исломий манзили» дея эътироф этилган. Сертификатни Сингапур Республикасининг Crescent Rating компанияси президенти Баҳардеен Моҳамед Фазал топширган.
Изоҳ (0)