Farg‘ona viloyati Qo‘shtepa tumanida avtomashina olib qochgan shaxs qo‘lga olindi. Bu haqda “Daryo”ga viloyat ichki ishlar boshqarmasi axborot xizmati ma’lum qildi.
Qayd etilishicha, 25-oktabr kuni S.J. spirtli ichimlik iste’mol qilib, mast holda Qo‘shtepa tumani G‘ishtmon mahallasi hududida eshiklari ochiq holda qarovsiz qoldirilgan S.O.ga tegishli Damas avtomashinasini olib qochgan.Holat yuzasidan tuman IIB huzuridagi tergov bo‘linmasi tomonidan Jinoyat kodeksining 267-moddasi 1-qismi (transport vositasini olib qochish) bilan jinoyat ishi qo‘zg‘atilib, fuqaro protsessual tartibda ushlangan.
Jinoyat kodeksining normalariga ko‘ra, ushbu jinoyatni sodir etgan shaxs 5 yildan 10 yilgacha ozodlikdan mahrum qilish bilan jazolanishi mumkin.
Hozirda holat yuzasidan tergov harakatlari olib borilmoqda.
Izoh (0)