Futbol bo‘yicha Fransiya chempionatining 13-turidan o‘rin olgan bahsda “PSJ” 29-oktabr, shanba kuni “Trua” bilan bahs olib bordi.
Uchrashuvning 3-daqiqasida Mama Balde hisobni ochdi. 24-daqiqada Karlos Soler muvozanatni tikladi. Birinchi bo‘lim durang natija bilan yakunlandi. 52-daqiqada Balde yana bir bor raqib darvozasini ishg‘ol qildi. Oradan 3 daqiqa o‘tib, Lionel Messi ajoyib gol bilan hisobni tenglashtirdi. 62-daqiqada Neymar ham o‘z hisobiga gol yozdirib qo‘ydi. 77-daqiqada Kilian Mbappe penaltini aniq amalga oshirib, Parij klubining 4-goliga mualliflik qildi. 88-daqiqada Ante Palaversa hisobni qisqartirishga muvaffaq bo‘ldi. Biroq bu gol “Trua” uchun yetarli bo‘lmadi.
Parijliklar ochkolarini 35 taga yetkazib, musobaqada peshqadami bo‘lib turibdi, “Trua” 13 ochko bilan 12-pog‘onani band etgan.
Liga 1
13-tur bahsi
29-oktabr, shanba
“PSJ” – “Trua” 4:3
Gollar: 0:1 – 3 Balde, 1:1 – 24 Soler, 1:2 – 52 Balde, 2:2 – 55 Messi, 3:2 – 62 Neymar, 4:2 – 77 Mbappe (penalti), 4:3 — 88 Palaversa.“PSJ”: Donnarumma, Mukiele, Ramos, Kimpembe (Markinyos, 59), Bernat (Mendesh, 85), Verratti (Sarabiya, 85), Soler (Sanshesh, 77), Vitinya (Fabian Ruis, 59), Messi, Neymar, Mbappe.
“Trua”: Gallon, Balde (Ripar, 72), Palmer-Braun, Salme, Poroso, Konte (Larusi, 72), Shavaleren (Dingome, 88), Kuame (Ugbo, 81), Roni Lopesh, Balde, Odober (Palaversa, 81).
Ogohlantirishlar: Poroso (59), Gallon (75), Roni Lopesh (78).
Izoh (0)