Футбол бўйича Франция чемпионатининг 13-туридан ўрин олган баҳсда «ПСЖ» 29 октябрь, шанба куни «Труа» билан баҳс олиб борди.
Учрашувнинг 3-дақиқасида Мама Бальде ҳисобни очди. 24-дақиқада Карлос Солер мувозанатни тиклади. Биринчи бўлим дуранг натижа билан якунланди. 52-дақиқада Бальде яна бир бор рақиб дарвозасини ишғол қилди. Орадан 3 дақиқа ўтиб, Лионель Месси ажойиб гол билан ҳисобни тенглаштирди. 62-дақиқада Неймар ҳам ўз ҳисобига гол ёздириб қўйди. 77-дақиқада Килиан Мбаппе пенальтини аниқ амалга ошириб, Париж клубининг 4-голига муаллифлик қилди. 88-дақиқада Анте Палаверса ҳисобни қисқартиришга муваффақ бўлди. Бироқ бу гол «Труа» учун етарли бўлмади.
Парижликлар очколарини 35 тага етказиб, мусобақада пешқадами бўлиб турибди, «Труа» 13 очко билан 12-поғонани банд этган.
Лига 1
13-тур баҳси
29 октябрь, шанба
«ПСЖ» – «Труа» 4:3
Голлар: 0:1 – 3 Бальде, 1:1 – 24 Солер, 1:2 – 52 Бальде, 2:2 – 55 Месси, 3:2 – 62 Неймар, 4:2 – 77 Мбаппе (пенальти), 4:3 — 88 Палаверса.«ПСЖ»: Доннарумма, Мукиэле, Рамос, Кимпембе (Маркиньос, 59), Бернат (Мендеш, 85), Верратти (Сарабия, 85), Солер (Саншеш, 77), Витиня (Фабиан Руис, 59), Месси, Неймар, Мбаппе.
«Труа»: Галлон, Бальде (Рипар, 72), Палмер-Браун, Салме, Поросо, Конте (Ларуси, 72), Шавалерен (Дингоме, 88), Куаме (Угбо, 81), Рони Лопеш, Бальде, Одобер (Палаверса, 81).
Огоҳлантиришлар: Поросо (59), Галлон (75), Рони Лопеш (78).
Изоҳ (0)