Futbol bo‘yicha Angliya Premyer Ligasining 14-turidan o‘rin olgan qator o‘yinlar 29-oktabr, shanba kuni bo‘lib o‘tdi.
“Manchester Siti” “Lester” maydoniga safar qildi va Kevin de Bryuynening ajoyib goli evaziga 3 ochkoni qo‘lga kiritdi.
“Shaharliklar” ochkolarini 29 taga yetkazib, musobaqa peshqadamiga aylandi. “Tulkilar” esa 11 ochko bilan 17-pog‘onani band etgan.
“Chelsi” kutilmaganda “Brayton”ga 1:4 hisobida imkoniyatni boy berdi. Dastlab, 5-daqiqada Leonardo Trossard hisobni ochgan bo‘lsa, keyinchalik “Chelsi” a’zolari Ruben Loftus-Chik va Trevo Chaloba ketma-ket o‘z darvozalarini ishg‘ol qildi. 48-daqiqada Kay Haverts hisobni qisqartirishga muvaffaq bo‘ldi. Biroq o‘yin yakunlanishiga sanoqli daqiqalar qolganida Paskal Gross “Brayton”ning navbatdagi goliga mualliflik qildi.
“Aristokratlar” 21 ochko bilan musobaqa jadvalida 5-o‘rinda bormoqda, “Brayton” esa 18 ochko bilan 7-pog‘onadan joy olgan.
“Tottenhem” “Bornmut” bilan bahs olib bordi. Uchrashuvning 22-daqiqasida Keffer Mur hisobni ochdi. 49-daqiqada esa Mur dublni rasmiylashtirdi. Shundan so‘ng “shporlar” faollikni oshirdi. 57-daqiqada Rayan Sessenyon hisobni qisqartirdi. 73-daqiqada Ben Devis muvozanatni tikladi. 90+2-daqiqada esa Rodrigo Bentankur londonliklarning g‘alaba goli muallifiga aylandi.
Antonio Konte shogirdlari ochkolarini 26 taga yetkazib, 3-o‘rinni egallab turibdi. “Bornmut” esa 13 ochko bilan 14-o‘rinda bormoqda.
APL
14-tur bahslari
29-oktabr, shanba
“Lester” – “Manchester Siti” 0:1
Gol: 0:1 – 49 de Bryuyne.“Lester”: Uord, Kastan, Amarti, Fas, Seyunjyu (Daka, 72), Jastin, Tilemans, Dyuzberi-Holl (Mendi, 46), Meddison, Barns, Vardi (Iheanacho, 71).
“Manchester Siti”: Ederson, Stounz, Laport, Akanji (Ruben Diash, 72), Joau Kanselu, Gundo‘g‘an, de Bryuyne, Rodri, Grilish, Bernardu Silva, Alvares (Foden, 77).
“Brayton” – “Chelsi” 4:1
Gollar: 1:0 – 5 Trossard, 2:0 – 14 Loftus-Chik (avtogol), 3:0 – 42 Chaloba (avtogol), 3:1 – 48 Haverts, 4:1 – 90 Gross.“Brayton”: Sanches, Dank, Uebster, Estupinyan, Lallana (Ensiso, 65), March, Mak Allister, Kaysedo, Mitoma (Lempti, 73), Gross, Trossard (Sarmiento, 87).
“Chelsi”: Arrisabalaga (Mendi, 46), Tiago Silva, Kukurelya (Chiluell, 64), Chaloba, Pulishich (Broya, 79), Kovachich, Loftus-Chik, Maunt, Gallaher (Ziyosh, 79), Haverts, Sterling (Obameyang, 63).
Ogohlantirishlar: Kovachich (11), Sterling (50), Ensiso (83).
“Bornmut” – “Tottenhem” 2:3
Gollar: 1:0 – 22 Mur, 2:0 – 49 Mur, 2:1 – 57 Sessenyon, 2:2 – 73 Devis, 2:3 – 90 Bentankur.“Bornmut”: Trevers, Smit, Senesi, Mifem, Zemura, Tavernye (Frederiks, 78), Lerma, Kuk, Billing (Entoni, 63), Mur, Solanke (Stivens, 89).
“Tottenhem”: Lyoris, Emerson (Perishich, 63), Devis, Langle, Sanches (Dayer, 58), Sessenyon (Hil, 84), Hyoyberg, Bissuma (Bentankur, 58), Skipp (Lukas Moura, 46), Son Hyon Min, Keyn.
Ogohlantirishlar: Sessenyon (61), Keyn (69), Kuk (82).
Izoh (0)