O‘zbekiston aholisining yil boshidan beri qancha daromad olgani ma’lum bo‘ldi

O‘zbekiston aholisining 2022-yil birinchi choragi uchun umumiy daromadlari ma’lum bo‘ldi. Bu haqda Davlat statistika qo‘mitasi xabar bermoqda.

Yanvar—sentabr oylariga ko‘ra, aholining umumiy daromadlari 454,9 trln so‘mni tashkil qilgan.

Aholi daromadlari bo‘yicha real o‘sish sur’atlarini hisoblashda narx omillari ta’sirini chiqarib tashlash maqsadida inflyatsiya ko‘rsatkichlarining asosiy turlaridan biri – iste’mol narxlari indeksidan (INI) foydalaniladi.

Iste’mol narxlarining o‘zgarishi sababli o‘tgan yilning mos davriga nisbatan aholi umumiy daromadlarining real o‘sish sur’ati 110,7 foizni tashkil etdi.

O‘zbekistonda yil boshidan beri har bir kishiga umumiy daromad 12,8 mln so‘mga yetdi. Aholi jon boshiga daromadlarning nominal o‘sish sur’ati 120,5 foiz, real o‘sish sur’ati esa 108,4 foiz bo‘lgan.

Aholi jon boshiga daromadlarning real o‘sishi o‘tgan yilning shu davriga nisbatan o‘zgarishsiz qolgan — 108,4 foiz.

Umumiy daromadning 61,2 foizini mehnat faoliyatidan olingan daromadlar tashkil qildi. Bu ko‘rsatkich o‘tgan yilga nisbatan deyarli o‘zgarmagan.

Avvalroq O‘zbekistonda qaysi soha vakillari eng ko‘p maosh olayotgani haqida xabar berilgandi.