Bloomberg agentligining mamlakat Moliya vazirligi ma’lumotlariga asoslangan hisob-kitoblariga ko‘ra, joriy yilning to‘qqiz oyida Xitoy budjeti taqchilligi 7,16 trillion yuanga (980 milliard dollar) yetdi.
Bu natija to‘qqiz oylik davr uchun mutlaq rekord bo‘lib, o‘tgan yilning shu davriga nisbatan Xitoy iqtisodiyoti taqchilligidan uch baravar ko‘pdir.
Xitoy iqtisodiyotining bunday keskin yomonlashuvining asosiy sabablari mamlakatning yirik shaharlarida blokirovkalarni keltirib chiqaradigan COVID-19 ning takroriy avj olishi, shuningdek, uy-joy bozorida narxlarning pasayishi bo‘ldi.
Shu bilan birga, mamlakatda imtiyozli kreditlash va muddatlarni kechiktirishni o‘z ichiga olgan ko‘plab iqtisodiy rag‘batlantirish dasturlari o‘z faoliyatini davom ettirmoqda.
Birinchi to‘qqiz oyda budjet daromadlari 19,9 trillion yuanni tashkil etdi, bu o‘tgan yilga nisbatan 6,6 foizga kamaydi.
Shunday qilib, ko‘chmas mulkni sotib olish/sotishdan soliq tushumlari 27,1 foizga, fuqarolar tomonidan avtotransport vositalarini sotib olishdan esa 31 foizga kamaydi.
Ta’lim, sog‘liqni saqlash, mudofaa va ilmiy tadqiqotlarni qamrab oluvchi davlat xarajatlari 6,2 foizga oshib, 27,1 trillion yuanga yetdi.
Izoh (0)