O‘zbekistonda eng yaxshi kiberxavfsizlik tizimiga ega 20 ta tashkilot reytingi e’lon qilindi

O‘zbekistonda davlat va xo‘jalik boshqaruvi, hamda mahalliy davlat hokimiyati organlarida axborot va kiberxavfsizlikning ta’minlanganligi holati 2022-yil 3-choragi yakuniy natijalari bo‘yicha reyting e’lon qilindi. Bu haqda “Kiberxavfsizlik markazi” xabar berdi.

Baholash “Kiberxavfsizlik markazi”ning axborot va kiberxavfsizlik monitoringi tizimidagi tashkilotlar tomonidan taqdim etilgan ma’lumotlarga asoslandi.

Eng yuqori reytingdagi tashkilotlar top-20 taligida Markaziy bank birinchi o‘rinni egalladi. Shuningdek, ikkinchi o‘rinda Adliya vazirligi va uchinchi o‘rinda Davlat bojxona qo‘mitasi e’tirof etildi.

Quyida axborot va kiberxavfsizlikning ta’minlanganligi holati bo‘yicha yuqori reytingli (top 20) tashkilotlar keltiriladi:

1. O‘zbekiston Respublikasi Markaziy banki — 99,1 ball;
2. O‘zbekiston Respublikasi Adliya vazirligi — 97,9 ball;
3. O‘zbekiston Respublikasi Davlat bojxona qo‘mitasi — 97,6 ball;
4. “Asaka” aksiyadorlik tijorat banki — 95,5 ball;
5. O‘zbekiston Respublikasi Davlat statistika qo‘mitasi — 95,2 ball;
6. “Mikrokreditbank” aksiyadorlik-tijorat banki — 95,1 ball;
7. O‘zbekiston Respublikasi aksiyadorlik tijorat “Xalq banki” — 94 ball;
8. “O‘zsanoatqurilishbank” aksiyadorlik tijorat banki — 93,6 ball;
9. “Aloqabank” aksiyadorlik tijorat banki — 93,1 ball;
10. “Ipoteka-bank” aksiyadorlik tijorat ipoteka banki — 92,4 ball;
11. Navoiy kon-metallurgiya kombinati — 92,3 ball;
12. Namangan viloyati hokimligi — 92,2 ball;
13. O‘zbekiston Respublikasi Davlat aktivlarini boshqarish agentligi — 91,6 ball;
14. “O‘zsanoatqurilishmateriallari” uyushmasi — 91,4 ball;
15. O‘zbekiston Respublikasi Davlat soliq qo‘mitasi huzuridagi Kadastr agentligi — 90,3 ball;
16. “O‘zbekiston temir yo‘llari” aksiyadorlik jamiyati — 90,3 ball;
17. Olmaliq tog‘-metallurgiya kombinati — 90,2 ball;
18. Farg‘ona viloyati hokimligi — 89,8 ball;
19. “O‘zkimyosanoat” aksiyadorlik kompaniyasi — 89,7 ball;
20. O‘zbekiston Respublikasi oliy va o‘rta maxsus ta’lim vazirligi — 89.2 ball.

Ushbu eng kuchli yigirmatalik reytingda birdaniga 6 ta tijorat banki o‘rin olgan.