O‘zbekiston Xitoy va Turkiya bilan bir qatorda Rossiyaga iste’mol tovarlari yetkazib berish bo‘yicha yetakchilardan biriga aylandi, Rossiya chakana savdo kompaniyalari uyushmasi xabar berdi.
Ukrainadagi urush paytida Rossiyaga mahsulot yetkazib beruvchilar o‘zgardi. Hozirda bu borada kuchli beshlikka Xitoy, O‘zbekiston, Turkiya, Ozarbayjon va Janubiy Koreya bor.
O‘tgan yili Rossiya eng ko‘p import qiladigan davlatlar orasida Xitoy, Bangladesh, Italiya, Indoneziya va Chexiya yetakchilardan edi.
Rossiyaga eksport qiladigan mamlakatlar orasida Xitoyning ulushi 70 foiz bo‘lsa, O‘zbekiston va Turkiyada bu ko‘rsatkich mos ravishda 8 va 5 foizni tashkil qiladi.
Xitoy Rossiyaga o‘yinchoqlar, kiyim-kechak, poyabzal, Rojdestvo o‘yinchoqlari, uy-ro‘zg‘or buyumlari va ish yuritish buyumlarini yetkazib beradi.
O‘zbekiston esa asosan kiyim-kechak, uy-ro‘zg‘or buyumlari, meva va sabzavotlar eksport qiladi.
Avvalroq O‘zbekiston va Rossiya o‘rtasidagi tashqi savdo aylanmasi 8,5 mlrd dollarga yetishi kutilayotgani haqida xabar berilgan edi.
Izoh (0)