Ўзбекистон Хитой ва Туркия билан бир қаторда Россияга истеъмол товарлари етказиб бериш бўйича етакчилардан бирига айланди, Россия чакана савдо компаниялари уюшмаси хабар берди.
Украинадаги уруш пайтида Россияга маҳсулот етказиб берувчилар ўзгарди. Ҳозирда бу борада кучли бешликка Хитой, Ўзбекистон, Туркия, Озарбайжон ва Жанубий Корея бор.
Ўтган йили Россия энг кўп импорт қиладиган давлатлар орасида Хитой, Бангладеш, Италия, Индонезия ва Чехия етакчилардан эди.
Россияга эскпорт қиладиган мамлакатлар орасида Хитойнинг улуши 70 фоиз бўлса, Ўзбекистон ва Туркияда бу кўрсаткич мос равишда 8 ва 5 фоизни ташкил қилади.
Хитой Россияга ўйинчоқлар, кийим-кечак, пойабзал, Рождество ўйинчоқлари, уй-рўзғор буюмлари ва иш юритиш буюмларини етказиб беради.
Ўзбекистон эса асосан кийим-кечак, уй-рўзғор буюмлари, мева ва сабзавотлар экспорт қилади.
Аввалроқ Ўзбекистон ва Россия ўртасидаги ташқи савдо айланмаси 8,5 млрд долларга етиши кутилаётгани ҳақида хабар берилган эди.
Изоҳ (0)