2022-yilda Rossiya va O‘zbekiston o‘rtasidagi tovar ayirboshlash hajmi 8,5 mlrd dollargacha oshishi prognoz qilinmoqda. Bu haqda Rossiya Sanoat va savdo vazirligi rahbari Denis Manturov aytib o‘tdi.
Oktabr oyida ekanligimizni inobatga olsak va statistik ma’lumotlarga ko‘ra, yanvar—sentabr oylaridagi natijalar mamlakatlarimiz o‘rtasidagi tovar ayirboshlash hajmi 5,3 milliard dollarni tashkil etadi. Shubhasiz, bu o‘tgan yilgidan yuqori bo‘ladi, chunki o‘sish allaqachon 37 foizga yetdi, — dedi janob Manturov Rossiya va O‘zbekiston o‘rtasidagi hamkorlik bo‘yicha hukumatlararo komissiya yig‘ilishidan keyingi matbuot anjumanida.
Vazirning so‘zlariga ko‘ra, yil oxirigacha tovar ayirboshlash hajmini 8,5 milliard dollargacha oshirish prognoz qilinmoqda. 2021-yilda bu ko‘rsatkich 7,5 mlrd dollar bo‘lgan.
Uning ta’kidlashicha, Rossiyaning O‘zbekiston iqtisodiyotiga kiritgan sarmoyalari hajmi 10 milliard dollargacha oshgan, neft-gaz sanoati va energetika, shuningdek, telekommunikatsiya va qishloq xo‘jaligi sohalariga investitsiyalar kiritilgan.
Avgust oyida Rossiya O‘zbekiston bilan tashqi savdo hajmi bo‘yicha Xitoydan keyin ikkinchi o‘rinda turgan edi. Sentabr oyida esa mamlakat Xitoyni import bo‘yicha ortda qoldirdi.
Manturovning so‘zlariga ko‘ra, Rossiya O‘zbekiston avtomobil butlovchi qismlarini yetkazib berishdan manfaatdor.
Iyul oyida Denis Manturov kompaniyalarga O‘zbekistondan Rossiyaga avtomobillarni parallel import sxemalari bo‘yicha olib kirishga ruxsat berishni taklif qilgan edi.
Izoh (0)