Saudiya Arabistoni Energetika vaziri Abdulaziz bin Salmon sentabr oyida mamlakatning Yevropaga neft yetkazib berish hajmi ikki barobarga oshib, 950 ming barrelga yetganini aytdi. Bu haqda “Kommersant” xabar bermoqda.
Vazir qirollik Yevropaning ko‘plab hukumatlari bilan hozirgi inqiroz haqida muzokaralar olib borayotganini va bu “eng yomon energiya inqirozi” bo‘lishi mumkinligini ta’kidladi.
Shuningdek, Abdul Aziz bin Salmon Saudiya Arabistoni neftning eng ishonchli yetkazib beruvchisi ekanini ta’kidladi.
Vazirning so‘zlariga ko‘ra, Saudi Aramco kompaniyasining Yevropaga neft yetkazib berish hajmi sentabr oyida 950 ming barrelni tashkil etgan bo‘lsa, o‘tgan yili bu ko‘rsatkich 490 ming barrelga teng bo‘lgan.
Avvalroq Yevropaga neft yetkazib berish ikki yil ichida eng yuqori darajaga yetgani haqida xabar berilgandi.
Rossiya hamon Yevropaga eng yirik neft yetkazib beruvchi bo‘lib qolmoqda, biroq uning yetkazib berishdagi ulushi 21 foizga tushib ketdi. Bir yil avval esa u o‘rtacha 34 foizni tashkil qilardi.
Izoh (0)