Ukraina futbol assotsiatsiyasi (UFA) FIFA va UEFAdan Rossiyani a’zolar ro‘yxatidan chiqarishni so‘ramoqchi.
Bu haqda UFA rahbari Andrey Pavelko ma’lum qildi. Tashkilot rahbari anneksiya bo‘lgan hududlardagi futbol klublari Rossiya musobaqalarida ishtirok etishi haqidagi qarorga shu tariqa munosabat bildirgan.
UFA darhol Rossiyaga nisbatan eng qat’iy sanksiyalarni qo‘llashni so‘rab, FIFA va UEFAga murojaat qiladi. Biz Rossiya UEFA va FIFA a’zoligidan chetlatilishini talab qilamiz, — deya yozadi Pavlenko.Avvalroq Sevastopol gubernatori Mixail Razvojayev Qrim va Sevastopol klublari Rossiya birinchiliklarida o‘ynashga ruxsat olgani haqida ma’lum qilgandi.
FIFA va UEFA Rossiyani a’zolikdan chiqarib tashlagan taqdirda terma jamoa o‘rtoqlik o‘yinlari o‘tkaza olmaydi, rus klublari esa xalqaro transfer tizimidan chiqarib yuboriladi va klublardagi barcha futbolchilar shartnomani bir tomonlama bekor qilish huquqiga ega bo‘ladi. Shuningdek, Rossiya FIFA hamda UEFA tomonidan futbol rivoji uchun ajratiladigan yordam pullaridan quruq qoladi.
Izoh (0)