Turkmanistonda mamlakat birinchi prezidenti Saparmurat Niyazov (Turkmanboshi) va uning onasi Gurbansoltan eje sharafiga nomlangan bir qator qishloq va shaharlar nomlari o‘zgartirildi, deb yozadi Asia Plus.
Xususan, Dashoguz viloyatining Go‘ro‘g‘li tumanida Saparmurat Niyazov nomidagi qishloq Bedirkent, G‘allachi qishloqlar birlashmasidagi Saparmurat Niyazov nomli qishloq — G‘allachi, Saparmurat Niyazov tumani va uning Niyazov shahri esa Shavat deb qayta nomlandi.
Gurbansoltan eje tumanidagi Gurbansoltan eje shahriga Andalip nomi berildi, tumanning o‘zi tugatildi. Saxra posyolkasidagi Gurbansoltan eje qishlog‘i nomi esa Yeketut deb o‘zgartirildi.
Turkmanistonning Bolqon tumanidagi Serdar shahri va tumani Gizilarvat deb qayta nomlandi.
Turkmanistonning ma’muriy-hududiy bo‘linishi bo‘yicha shu va boshqa qarorlar haqida Turkmaniston parlamentining Xalq maslahati palatasi majlisida e’lon qilindi, u Gurbanguli Berdimuhamedov raisligi ostida o‘tkazildi.
Saparmurat Niyazov 1991-yildan 2006-yilgacha, vafotiga qadar, Turkmaniston prezidenti bo‘lgan. U Turkmanboshi unvoniga ega bo‘lgan, shuningdek, Serdar (Sardor) va Abadiy Buyuk Saparmurat Turkmanboshi deb ham atalgan. 1999-yilda u rasman abadiy prezident deb e’lon qilingan.
Izoh (0)