Ukraina mamlakat Qurolli kuchlarining Xerson viloyatiga bergan zarbasi oqibatida Qodirov polkining o‘nlab askarlari halok bo‘lgani haqida xabar berdi. Rossiya tomonidan anneksiya qilingan Melitopolda telekompaniya binosi yonida portlash yuz berdi, mahalliy hukumat buni terakt deb atadi. Olti kishi jarohatlangan. Ukraina rasmiylari isitish bilan bog‘liq muammolar tufayli ukrainalik qochqinlarni bahorgacha vatanga qaytmaslikka chaqirdi. BBC News Rossiya aprel oyida Nikolayevni suv bilan ta’minlaydigan yagona quvurni ataylab portlatgani haqida surishtiruv e’lon qildi. Shahar olti oydan beri toza ichimlik suvisiz qolmoqda. Ukraina Xavfsizlik xizmatining da’vo qilishicha, Rossiya harbiylari Belarus hududidan o‘nta Shahed kamikadze dronlarini uchirgan. Meduza urushning 244-kuniga oid asosiy fotosuratlar bilan bo‘lishdi.
Front chizig‘idagi Bahmut
Bahmut ustiga ko‘tarilgan tutun. Ukraina Qurolli kuchlari xabariga ko‘ra, shahar bugungi kunda Rossiya qo‘shinlari hujumga o‘tishga va oldinga siljishga urinayotgan yagona joy. “Vagner” yollanma jangchilari shu yo‘nalishda to‘plangan. Bahmut Ukraina qo‘shinlarining Donetsk tomon oldinga siljishi uchun, rus qo‘shinlarining esa Drujkovka, Konstantinovka, Kramatorsk va Slavyansk tomon yurishi uchun muhim ahamiyatga ega.Foto: AFP
Bahmutlik kishi o‘tin uchun shox arralamoqda.Foto: AFP
Baxmut aholisi evakuatsiya avtobusida. Muntazam otishmalar tufayli aholining yarmidan ko‘pi shaharni tark etgan. 24-oktabr kuni navbatdagi otishmada 7 kishi halok bo‘ldi.Foto: AFP
Bahmut osmonida raketa dronni urib tushirmoqda.Foto: AFP
Xarkov viloyatidagi ukrainalik sapyorlar
Ruskaya Lozovaya qishlog‘i yaqinida mina qidirayotgan sapyor. Ukraina qo‘shinlari aprel oyi oxirida qishloqni o‘z nazoratiga qaytarishga muvaffaq bo‘ldi. Bu joy rus armiyasi uchun strategik ahamiyatga ega edi: u yerdan turib rossiyaliklar Xarkovga qarata o‘t ochardi.Foto: Reuters
Kazachya Lopan qishlog‘idagi chorvachilik hovlisida sapyor qishloq xo‘jaligi texnikasini ko‘zdan kechirmoqda. Rossiyaning yetti oylik istilosidan so‘ng qishloq sentabr oyida ozod qilingan. U Rossiya bilan chegaradan ikki kilometr uzoqlikda joylashgan.Foto: Reuters
Nikolayev viloyatidagi hayot
Nikolayevdagi non tarqatiladigan maktablardan birida navbat. Shahar oziq-ovqat va ichimlik suvi borasida qiyin ahvolda qolmoqda. BBC surishtiruviga ko‘ra, aprel oyida rus qo‘shinlari Nikolayevga olib boruvchi quvurni ataylab yo‘q qilgan. O‘shandan beri shahar aholisi toza ichimlik suvisiz qolgan.Foto: AP Photo
Ko‘ngillilar Nikolayev viloyatining frontga yaqin qishloqlari aholisi uchun o‘tin yoqiladigan pechkalar yasamoqda.Foto: Reuters
Nikolayev viloyatidagi qishloqlar aholisi uchun yasalgan pechkalar.Foto: Reuters
Nikolayev viloyatidagi front chizig‘i yaqin fermalardan qochib ketgan sigirlar.Foto: Reuters
Anneksiya qilingan Melitopolda portlash
25-oktabr kuni Melitopolda okkupatsion hokimiyat tomonidan asos solingan “ZaTV” telekompaniyasi binosi yonida mashina portlab ketdi. Olti kishi, jumladan, “ZaMedia” mediaxoldingi xodimlari jabrlandi. Mahalliy hukumat voqeani terakt deb atadi.Foto: AFP
“ZaTV” telekompaniyasi binosi portlashdan keyin.Foto: “TASS”
Izoh (0)