Tayvan harbiy xizmatchilarning oylik maoshini ikki baravar oshirib, kamida 15 000 Tayvan dollariga (465 dollar) chiqarmoqchi. Bu haqda South China Morning Post xabar berdi.
Nashr qayd etishicha, Tayvanda majburiy harbiy xizmat o‘tovchilar oyiga 6 510 Tayvan dollari oladi. Bu oroldagi eng kam oylik maoshdan (26 400 Tayvan dollari) ancha past.
Bundan tashqari, orol rasmiylari Pekin bilan keskinlik sharoitida majburiy harbiy xizmatni to‘rt oydan bir yilgacha uzaytirish rejasini ko‘rib chiqmoqda.
Avvalroq Xitoy yetakchisi Si Szinpin Xitoy Tayvan bilan tinch yo‘l orqali birlashishga intilayotgani, biroq kuch ishlatishdan voz kechishga va’da berish niyatida emasligini ma’lum qilgan.
Tayvan esa hech qachon o‘z suvereniteti, erkinligi va demokratik qadriyatlarga sodiqligi bilan bog‘liq masalalarda yon bermasligini bildirgan.
Izoh (0)