Iste’molchilar huquqlarini himoyat qilish agentligi o‘tkazgan monitoring kuzatuvlar davomida 54 ta holatda kontrafakt nusxalar mavjudligi aniqlandi. Bu haqda agentlik axborot xizmati xabar qildi.
Qayd etilishicha, Iste’molchilar huquqlarini himoya qilish agentligiga Central Asia Distribution MCHJning rasmiy vakili – distribyutori murojaat qilib, respublika hududida:
- “Angel Drojji xlebopekarnie suxiye aktivniye”;
- “Angel razrixlitel testa”;
- “Angel Drojji xlebopekarniye suxiye instantniye”;
- “Droja Baker Dream” savdo belgisi ostidagi mahsulotlarning qalbakilashtirilgan nusxalari sotilayotganligini ma’lum qilgan.
Agentlikning hududiy tuzilmalari tomonidan aholini sifatsiz mahsulotlardan himoya qilish maqsadida bozorlar va savdo do‘konlarida kontrafakt xamirturush mahsulotlarini aniqlash yuzasidan 64 ta monitoring kuzatuvlari amalga oshirilgan. Monitoring natijasida agentlik tomonidan 54 ta holatda (85 foizida) savdo va xizmat ko‘rsatish joylarida mahsulotlarning mavjud holatlarda uning yuridik shaxs nomi va savdo shoxobcha joylari qayd etilib, so‘ng mutasaddi tashkilotlarga zarur choralarni ko‘rish uchun ma’lumotnoma taqdim etilgan.
Ta’kidlanishicha, iste’molchilar salomatligiga jiddiy xavf solishi mumkin bo‘lgan narxi past kontrafakt mahsulotlarning sotuvi ortib borayotgani ko‘plab iste’molchilarni o‘ziga jalb etmoqda.
“Ammo xamirturush bakteriyasining bardoshli ekani haqida iste’molchi hech qanday ma’lumotga ega emas. Aslida xamirturush ishlab chiqarish maxsus sanitariya-gigiyena qoidalariga rioya etilgan sharoitda ishlab chiqarilishi shart. Aks holda bunday mahsulot inson salomatligiga salbiy ta’sir ko‘rsatishi aniq”, — deyiladi xabarda.
Izoh (0)