Islandiyada shaxmat bo‘yicha World Fischer Random Chess Championship musobaqasi bo‘lib o‘tmoqda.
Ushbu musobaqada o‘zbekistonlik Nodirbek Abdusattorov ham ishtirok etmoqda. Abdusattorov 1-turda Yan Nepomnyashiyga qarshi dona surdi. Nodirbek ikkita o‘yinda ham rossiyalik tajribali grossmeysterni mag‘lub etdi. 2-turda esa amerikalik Uesli So taslim etildi — bitta g‘alaba va durang.
Abdusattorov 2-turdan keyin o‘z guruhida peshqadamlik qilmoqda. Nodirbek navbatdagi o‘yinini islandiyalik Hyyorvar Steyn Gretarssonga qarshi o‘tkazadi.
World Fischer Random Chess Championship’da dunyoning 8 nafar shaxmatchisi qatnashmoqda. O‘zbekistonlik grossmeyster saralashdan muvaffaqiyatli o‘tgan holda hal qiluvchi musobaqaga yetib kelgan. Shaxmatchilar ikki guruhga bo‘lingan. Guruhda g‘olib bo‘lgan shaxmatchi yarim finalda qatnashish huquqiga ega bo‘ladi.
Ma’lumot uchun, musobaqaning mukofot jamg‘armasi 400 ming AQSH dollarini tashkil etadi. G‘olib 150 ming dollarga ega chiqadi.
Ushbu musobaqa o‘ziga xos reglamenti bilan ajralib turadi. Unda odatiy shaxmatdan farqli o‘laroq dastlabki qatordagi donalar tasodifiy tarzda joylashtiriladi.
Izoh (0)