Shavkat Mirziyoyev raisligida o‘tayotgan yig‘ilishda davlat rahbari topshirig‘iga asosan ikki yil davomida puxta ishlanib, yangidan ishlab chiqilgan Mehnat kodeksi loyihasiga to‘xtalib o‘tildi.
Bugungi kunda mehnat resurslari (mamlakat aholisining mehnatga layoqatli yoshdagi qismi, iqtisodiy resurslarning tarkibiy unsuri; 16 yoshdan 55 yoshgacha bo‘lgan ayollar, 60 yoshgacha bo‘lgan erkaklar mehnat resurslariga kiritiladi) qariyb 19 million kishiga yetdi, korxonalar soni esa so‘nggi uch yilda 2 baravar oshdi.
Amaldagi Mehnat kodeksi 1995-yilda qabul qilingan bo‘lib, o‘shanda xususiy sektor ulushi atigi 21 foiz bo‘lgan, hozir 83 foizdan oshgani qayd etildi. Shu bois yangi kodeksda tadbirkorlar uchun keng imkoniyatlar yaratilmoqda, aholi bandligini oshirish bo‘yicha ko‘plab qulay sharoitlar ko‘zda tutilmoqda.
Davlat rahbari bu muhim kodeksni qabul qilishdan avval uning ijrosini samarali tashkil qilish asosiy masala ekani ta’kidlandi. Bo‘layotgan yangiliklarni aholiga, hamma vazirlarga, hokimlarga, 600 mingga yaqin korxona rahbarlariga yetkazish, tushuntirish kerakligi ko‘rsatib o‘tildi.
Mavzuga doir:
- Qashqadaryodagi 48 ta maktabda Finlyandiya ta’lim tizimi joriy etiladi
- Qashqadaryoda mavjud 46 ta kon zaxirasi yil yakunigacha xatlovdan o‘tkazilib, auksionga chiqariladi
- Qashqadaryo hokimi prezidentga viloyatning ijtimoiy-iqtisodiy rivojlanish rejalari bo‘yicha hisobot berdi
- Qarshi shahrida loyiha qiymati 20 mln dollarlik biznes markazi barpo etiladi
- Shavkat Mirziyoyev Qashqadaryoda 5 ta yo‘nalishda erishilishi lozim bo‘lgan vazifalarni belgilab berdi
Izoh (0)