Qashqadaryoda mavjud 46 ta kon zaxirasi yil yakunigacha xatlovdan o‘tkazilib, auksionga chiqariladi

Qashqadaryo hokimi prezidentga viloyatning ijtimoiy-iqtisodiy rivojlanish rejalari bo‘yicha hisobot bergan edi. Shundan so‘ng prezident mutasaddilarga tegishli topshiriqlarni vazifa qilib qo‘ydi.

Jumladan:

• Shahrisabzning Miraki, Suvtushar va Sarchashma, Kitobning Qaynar va Bashir, Qamashidagi Beshterak va Mirishkordagi Jeynov qishloqlarida turizmni rivojlantirish;
• yil yakuniga qadar Qashqadaryo viloyatida mavjud 46 ta kon zaxiralarini xatlovdan o‘tkazib, auksionga chiqarish;
• Muborak, Nishon, G‘uzor va Mirishkor tumanlarida sotilmasdan turgan 82 ta davlat mulki narxini 50 foizga kamaytirib, savdoga chiqarish;
• Shahrisabz shahridagi bo‘sh turgan mulklar negizida kichik sanoat zonalari tashkil etish;
• “Rubikon Voter” texnologiyasi asosida Qashqadaryoda sug‘orish tizimini yaxshilash loyihasini kengaytirish masalasini ishlab chiqish;
• 2023-yil 1-iyulga qadar G‘uzor—Buxoro—Nukus—Beyneu yo‘lining 100 kilometr qismini ta’mirlash loyihasini ishlab chiqib, ishlarni boshlash;
• yil yakuniga qadar Samarqanddan Shahrisabzga o‘tuvchi 30 kilometr yo‘lni ta’mirlash loyihasini ishlab chiqish;
• Koson tumanidagi industrial zona infratuzilmasi uchun 40 milliard so‘m ajratish vazifasi qo‘yildi.

• Qashqadaryo hokimi prezidentga viloyatning ijtimoiy-iqtisodiy rivojlanish rejalari bo‘yicha hisobot berdi
• Qarshi shahrida loyiha qiymati 20 mln dollarlik biznes markazi barpo etiladi
• Shavkat Mirziyoyev Qashqadaryoda 5 ta yo‘nalishda erishilishi lozim bo‘lgan vazifalarni belgilab berdi