Qashqadaryo hokimi Murod Azimov sanoat yo‘nalishida ishlab chiqarish 15 trillion so‘mni, aholi jon boshiga 4,4 million so‘mni tashkil qilgani, sohada band aholi qariyb 44,8 ming nafar ekanini ma’lum qildi, deb yozmoqda prezident matbuot kotibi.
Ta’kidlanishicha, 2023-yilda drayver sohalarda yirik loyihalarni amalga oshirish hisobiga bu ko‘rsatkichlarni tegishlicha 24 trillion so‘m, 6,3 million so‘m va 45,2 ming nafarga yetkazish maqsad qilingan. 2022-yilda umumiy qiymati 1,9 milliard dollarlik 844 ta investitsiya loyihasi amalga oshirilmoqda. Natijada 12,4 mingta ish o‘rni yaratiladi.
2023-yilda 3,4 milliard dollarlik 769 ta investitsiya loyihasini amalga oshirish, buning natijasida 13 186 ta ish o‘rni yaratish, ishlab chiqarish hajmini 2,9 trillion so‘mga, budjetga tushumlarni 712 milliard so‘mga, eksportni 165 million dollarga oshirish, 110 million dollarlik importni o‘rnini bosish kutilmoqda.
Viloyatning eksport hajmi 2022-yilda 26 foizga o‘sib, 280 million dollarni tashkil etishi kutilmoqda. 2023-yilda bu ko‘rsatkichni 400 million dollarga yetkazish rejalashtirilgan.
Ma’lumot o‘rnida, hokimning prezidentga bergan hisoboti Qashqadaryo viloyati hokimligining rasmiy axborot manbalarida e’lon qilinadi.
Mavzuga doir:
Izoh (0)