Шавкат Мирзиёев раислигида ўтаётган йиғилишда давлат раҳбари топшириғига асосан икки йил давомида пухта ишланиб, янгидан ишлаб чиқилган Меҳнат кодекси лойиҳасига тўхталиб ўтилди.
Бугунги кунда меҳнат ресурслари (мамлакат аҳолисининг меҳнатга лаёқатли ёшдаги қисми, иқтисодий ресурсларнинг таркибий унсури; 16 ёшдан 55 ёшгача бўлган аёллар, 60 ёшгача бўлган эркаклар меҳнат ресурсларига киритилади) қарийб 19 миллион кишига етди, корхоналар сони эса сўнгги уч йилда 2 баравар ошди.
Амалдаги Меҳнат кодекси 1995 йилда қабул қилинган бўлиб, ўшанда хусусий сектор улуши атиги 21 фоиз бўлган, ҳозир 83 фоиздан ошгани қайд этилди. Шу боис янги кодексда тадбиркорлар учун кенг имкониятлар яратилмоқда, аҳоли бандлигини ошириш бўйича кўплаб қулай шароитлар кўзда тутилмоқда.
Давлат раҳбари бу муҳим кодексни қабул қилишдан аввал унинг ижросини самарали ташкил қилиш асосий масала экани таъкидланди. Бўлаётган янгиликларни аҳолига, ҳамма вазирларга, ҳокимларга, 600 мингга яқин корхона раҳбарларига етказиш, тушунтириш кераклиги кўрсатиб ўтилди.
Мавзуга доир:
- Қашқадарёдаги 48 та мактабда Финляндия таълим тизими жорий этилади
- Қашқадарёда мавжуд 46 та кон захираси йил якунигача хатловдан ўтказилиб, аукционга чиқарилади
- Қашқадарё ҳокими президентга вилоятнинг ижтимоий-иқтисодий ривожланиш режалари бўйича ҳисобот берди
- Қарши шаҳрида лойиҳа қиймати 20 млн долларлик бизнес маркази барпо этилади
- Шавкат Мирзиёев Қашқадарёда 5 та йўналишда эришилиши лозим бўлган вазифаларни белгилаб берди
Изоҳ (0)