Rossiya Tashqi ishlar vazirligi rasmiy vakili Mariya Zaxarova Ukraina rasmiylari va ularning “g‘arb homiylari”dan “iflos bomba” borasidagi “provokatsiya”larini to‘xtatishni talab qildi.
Zaxarova Ukrainada “iflos bomba” yaratish bilan shug‘ullanayotgan korxonalarni birma-bir sanab o‘tdi.
Bizdagi ma’lumotlarga ko‘ra, Ukraina tomoni allaqachon rejani amalga oshirishga kirishgan. Xususan, Jovti Vodi shahridagi Sharqiy tog‘-kon boyitish kombinati va Kiyevdagi Yadro tadqiqotlari institutiga shunday bomba yasash vazifasi yuklatildi. Yetib kelayotgan ma’lumotlarga ko‘ra, Ukraina bilan “iflos bomba” uchun butlovchi qismlarni yetkazib berish bo‘yicha muzokaralar olib borayotgan ba’zi G‘arb davlatlari ushbu muammoni hal qilishda yordam berishini ham istisno qilmaymiz.“Iflos bomba” bilan mojarolarBiz Kiyev hukumati va ularni nazorat qilayotgan G‘arb homiylaridan dunyoni yadroviy falokatga olib keladigan va begunoh tinch aholi hayotiga tahdid soluvchi harakatlarni bas qilishni talab qilamiz. Rossiyaning bu boradagi ogohlantirishlariga e’tibor bermaslik aqlsizlikdir. Vaziyatni keskinlashtirish xavfli. G‘arb “qizil chiziq” kengligini o‘lchashga urinmasligi kerak.
23-oktabr kuni mudofaa vaziri Sergey Shoygu NATOning to‘rtta davlatidagi hamkasblari bilan bog‘lanib, Ukraina “iflos bomba” yordamida “provokatsiya”ni rejalashtirayotganini aytdi. Ukraina “iflos bomba” haqidagi xabarlarni yolg‘on deb atadi. Prezident Vladimir Zelenskiy Ukrainada bunday bombadan faqat Rossiya foydalanishi mumkinligini aytdi.
G‘arb davlatlari fikricha, Rossiyaning “iflos bomba” haqidagi ogohlantirishlari yangi eskalatsiya uchun bahona. “Ukraina o‘z hududida iflos bomba qo‘llashga tayyorlanayotgani haqidagi Rossiyaning ochiqdan-ochiq yolg‘on da’volarini barchamiz rad etamiz”, — deyiladi Fransiya, Buyuk Britaniya va AQSh tashqi ishlar vazirlari qo‘shma bayonotida.
Izoh (0)