Buyuk Britaniya mudofaa vaziri Ben Uolles yangi bosh vazir Rishi Sunakning hukumatida ham o‘z lavozimida qoldirildi, deb yozadi “TASS”. Uolles avvalgi ikki bosh vazir davrida ham mudofaa vaziri lavozimida ishlab kelgan.
“Parlamentning hurmatli a’zosi Ben Uolles mudofaa vaziri lavozimiga qayta tayinlandi”, — deyiladi hujjatda.
Shuningdek, Mudofaa vazirligi rahbari lavozimiga da’vogarlar orasida Britaniya parlamenti Jamoatlar palatasi rahbari Penni Mordaunt ham bor edi. U bu lavozimda 2019-yil, Tereza Mey hukumat boshlig‘i bo‘lgan davrda ishlagan.
Ma’lumot o‘rnida, avvalroq Ben Uolles Buyuk Britaniya bosh vaziri lavozimiga nomzodini qo‘yishni istamagan va bu lavozimda Boris Jonsonni qo‘llab-quvvatlashini aytgan. Keyinroq sobiq bosh vazir saylovlarda ishtirok etishdan bosh tortgani ma’lum bo'ldi.
Izoh (0)